ТҮРІК ПОЭЗИЯСЫНАН

 

Ариф Ниһат Асуа

 

(1904-1967)

 

Стамбулдың Шаталка ауданында дүниеге келген. Оқытушылар семинариясын бітірген. Бірнеше жыл оқытушылық қызмет атқарған. Көптеген поэзиялық, прозалық шығармалардың авторы. Халық арасында «Байрақ ақыны» деген атқа ие болған. «Түрік жыры», «Түрік сазы» жинақтары бар.

 

 

 

　

 

Дастан

 

 

 

Жеңіс туын желбіреткен

 

Тұлпарлар бар.

 

Тағалары алтыннан.

 

Оғыз. Білге. Сүлейман

 

Алтындай бұл – нар тұлға.

 

Маңдайыма сыйған байлық

 

Бұл жерлер –

 

Бабалардан қалған мирас тартуға.

 

Сап алтындай қылыштардың

 

тот баспайды жүздерін.

 

Бақшадағы гүлдер менен

 

Таудан көрем іздерін.

 

Топан суда, боранда да күркіретіп жер жүзін

 

Бұл түркілер сезінбеген сыз, демін.

 

Жер мен көктің арасында –

 

Топырақ пен отты сүйген

 

Көк тәңірге басын иген.

 

Қасқыр жалды бөрі тектес

 

Намыс отын арға түйген.